Laurdag 4.februar kl. 17.00 er det klart for UKM i Gomerhuset. Påmeldingsfrista går ut den 29.januar kl. 23.00, så det er framleis mogleg å melde seg på! 9.trinnet ved Skodje ungdomsskule står som arrangør. 

Kulturkalender for Skodje

I møte 19.01.12 der alle frivillege lag i Skodje var invitert, blei vi samde om å bruke kulturkalenderen i Kulturnett Møre og Romsdal som lokal kulturkalender.

Grunngjevinga er:
- Ved å velje Skodje, får vi fram berre det som skjer i kommunen vår.
- Ved å velje Alle, kan vi sjå kva som skjer i andre kommunar.
- Alt av arrangement kan leggast ut; konsertar, forestillingar, idrettsarrangement og turar i friluft.
- Alle kan legge inn arrangement utan passord. NB! Pr dato er det slik at det som blir lagt inn, skal godkjennast. Det kan derfor gå inn til 24 timar før arrangementet som er lagt inn, blir vist i kalenderen.
- Ved å bruke denne kulturkalenderen blir vi også meir fortrulege med nettportalen Kulturnett Møre og Romsdal, som inneheld mykje lokalt kulturstoff.

NB! Arrangement på Gomerhuset vil framleis bli lagt inn på gomerhuset.no.

NAV-Storfjorden har fått prosjektmidlar  gjennom fylkesmannen  til førebygging  og arbeid mot barnefattigdom i dei fire kommunane  Skodje, Ørskog, Stordal og Norddal.

Målet er å sikre velferd og inkludering og hindre marginalisering på lengre sikt.
Arild Aanes har fått i oppgåve å arbeide spesielt med prosjektet. Han byrja 1. januar i år. Tilsetjinga gjeld førebels for eitt år.