Ein av våre kjekke 10.klassingar, Kristine Bjørdal Leine (15), er i ferd med å skape seg ei karriere innan fotballen. Ho debuterte på Fortuna sitt førstelag allereie i fjor, og har spelt seg til fast plass på laget i år. I dag vart Kristine teken ut på J16-landslaget som skal møte England 5.juni. Vi gratulerer!

Kva var vel 17.mai-feiringa utan skulekorpsa? Det hadde blitt skrale greier, for det er dei mange korpsa som skaper mykje av festen på den store dagen. Dei spelar frå tidleg morgon til seine kveld og er med på å gi den norske nasjonaldagen sitt særpreg.

Kommunane Giske, Haram, Skodje, Sula og Ålesund har gått saman om eit prosjekt som er kalla Verdens beste Sunnmøre. I samarbeid med næringslivet gjennom NHO og Aalesunds Handelsforening vil vi lage til samlingar på dagtid både på Båtfestivalen i Ålesund 11.-14. juli, og på Sommarfesten på Giske 28. juli.
Dette skal vere til inspirasjon spesielt til ungdom under utdanning eller i ei etableringsfase for å velje vår regionen som framtidig stad å bu.

Torsdag 3. mai inviterte mellomsteget til framsyning av «FLASHBACK» - ein historietime med bilde, musikk og dans frå 80-, 90- og 2000-talet. At tida går fort, og at mange ting har skjedd sidan byrjinga av 80-talet, det vart tydeleg for alle som møtte til dei to framsyningane. Den første framsyninga gjekk på føremiddagen - og det var mest andre elevar i publikum. Den siste gjekk på kveldstid, og her var salen stappande full av begeistra foreldre.