Publisert 20.02.2018
NAV_Storfjorden_logo.png

Kontoret på Skodje har stengt publikumsmottak onsdagar i denne perioden.
Publikumsmottaket er ope måndag og fredag kl. 10.00 – 15.00. Avtalar med rettleiar kan verte gjennomført utanom opningstidene.

Vi vil oppmode brukarar av NAV sine tenester til å nytte heimesida, www.nav.no/dittnav Her kan du få svar på spørsmåla dine, sende søknader elektronisk og sende spørsmål til NAV.
Du kan kontakte NAV på telefon 55 55 33 33. NAV kontaktsenter er ope måndag-fredag kl. 08.00-15.00.

Ved behov for oppmøte desse vekene Nav Storfjorden,Skodje, har redusert opningstid, kan du henvende deg til Nav Storfjorden, Ørskog, som er open onsdagar kl. 10.00-15.00.  

Publisert 20.02.2018
Eldrekafe, bilde.jpg

Skodje frivillige aktivitetssenter innbyr til Eldrekafé i storstova på omsorgssenteret tirsdagar frå kl. 11.00 til kl. 14.00.
Her får du triveleg samvær og god lunsj, i tillegg til å spele bingo.
Du er velkomen!

Publisert 16.02.2018
Vått og kjekt

Skodje kommune har samordna opptak for dei fem barnehagane i kommunen Skodje, Prestemarka, Stette, Valle og Plassebakken.

Fristen for å søkje barnehageplass ved hovudopptak for komande barnehageår, med oppstart 15.august er: 1. mars 2018.

Ved ledig kapasitet vert nye søknader handsama fortløpande.

Publisert 15.02.2018
17KULskodjegrandprix-12.jpg

Det vart ein strålande kveld i Gomerhuset torsdag, då Skodje ungdomsskule arrangerte Grand Prix for 23. gong.

Mange flotte innslag gav fullt trøkk i salen, og etter ein heilaften med to sceneshow stod 10A att som årets vinnarar med det dagsaktuelle innslaget Møreaksen. Det smakte godt for gjengen, som har to andreplassar å sjå tilbake på i 8. og 9. klasse.

Vi gratulerer 10A og resten av tiandetrinnet med eit flott arrangement og første-, andre- og tredjeplass som i fjor! 8. og 9.klassingane får nye sjansar neste år til å hente gullet hem. 

Vinnarinnslaget kan du sjå her.

Publisert 15.02.2018
Biblioteket_logo_liten2.jpg

Biblioteket er stengt i veke 8 når skulane har vinterferie.

Første opningsdag etter ferien er måndag 26. februar.

Publisert 08.02.2018
Mathea.JPG

UKM Skodje 2018 blei arrangert søndag 28. januar.
Publikum fekk sjå og høyre åtte glitrande sceneinnslag, flott presentert av programleiarane Lena Maria Adriana Van Weert og Amanda Rånes Ludvigsen.

Desse deltakarane har takka ja til å representere Skodje under fylkesmønstringa i Stordal 27.-29. april:
Rebecca Emblem - 15 år, song, med "All about that bass"
Mathea Rødseth - 16 år, piano, med "Spring time"
Mathea Rødset - 16 år, piano, og Sebastian Ulvestad - 16 år, song, med "Hallelujah"

Publisert 02.02.2018

Skodje namnenemd vedtok i møte 24.01.18 å starte namnesak for 16 adresseparsellar i Skodje kommune. Det gjeld endring av vedtekne vegnamn med namnelikskap i kommunane som skal slå seg saman og bli Ålesund kommune frå 01.01.20.

Publisert 02.02.2018

Stadnamnstenesta har i brev 25.09.17 presisert at fjellet som dannar føreledd til vegnamnet skal skrivast Nihusen i offisielle samanhengar, etter vedtak 16. juni 1992.

Skodje namnenemd vedtok i møte 24.01.18 å starte namnesak for å endre skrivemåten av adresseparsellen Niusvegen til Nihusvegen.

 

Publisert 02.02.2018

I brev dat 05.01.18 frå Klagenemd for stadnamnssaker får vi ei endeleg avgjerd på to namnesaker som har pågått i fleire år.

Det blir slått fast at skrivemåten skal vere Håem, Håemsvik, Tøssebru, Tøssebruvåg og Tøssebruneset.

Skodje namnenemd vedtok i møte 24.01.18 å starte namnesak for tre adresseparsellar som er blitt utsett i påvente av namneavklaringa. 

Publisert 17.01.2018
glatt vei.jpg

Treng du å strø vegen din? Det er glatt ute for tida.
Skodje kommune har meir enn 60 kasser med strøsand plassert rundt omkring i kommuen. Det er lov for innbyggjarane å hente seg sand der til å strø oppkjørselen sin med. Og skulle ein av kassane vere tomme så gje oss beskjed så vert dei fylt opp så snart råd er.  

Publisert 15.01.2018
Vegillustrasjon

Mange har nytta sjansen til å sende inn forslag til gatenam i nye Ålesund. Fristen for å sende inn forslag gjekk ut 31. desember og her får du ei oversikt over forslaga.

Publisert 05.01.2018
Mørebenken januar 2018

Ordførarar og administrasjonar i sunnmørskommunane møtte torsdag 4. januar Mørebenken for å løfte fram viktige tema til stortingspolitikarane frå fylket.
Vertsskap for møtet med Mørebenken var Sunnmøre regionråd og nesten alle sunnmørskommunane var representerte på møtet. 

Første Førre | Neste Siste