Publisert 19.07.2019
fellesnemnda_150218_alesund-crop.jpg

Valet i 2019 skal gjennomførast som om nye Ålesund kommune allereie er sett i drift. Alle som stemmer ved valet i 2019 skal velje representantar til kommunestyret i nye Ålesund kommune som trer i kraft 1. januar 2020. 

Du kan tidlegrøyste frå 01.07.2019 og førehandsrøyste frå 10.08.2019 fleire stader, mellom anna på Skodje rådhus i opningstida der. 
Les meir om valet 2019 på nye Ålesund sine nettsider.

Publisert 26.06.2019
Biblioteket_logo_liten2.jpg

Biblioteket har sommarstengt i perioden: 1. juli t.o.m. 13. august. Velkomen tilbake til vanlig opningstid frå 14. august.

Skodje bibliotek ønsker deg ein riktig god sommar!

Publisert 24.06.2019
Illustrasjon kunngjering KATP

Ålesundsregionen er i sterk vekst og utvikling, og folk i regionen bur, arbeider og nytter fritidstilbod uavhengig av kommunegrensene. Klima-, areal- og transportplanen skal sjå utbyggingsareal og transportsystem på tvers av kommunegrensene, og stake ut ein felles, langsiktig og berekraftig kurs for korleis areal og trafikk skal forvaltast i regionen.

Publisert 24.06.2019
Sommar og prestekrager (2).jpg

Ekspedisjonen på Rådhuset og sentralbordet er i frå 24.juni - 9.august ope mandag-fredag frå kl. 10.00-14.00.

På grunn av ferieavvikling så vil ein måtte pårekne noko lengre sakshandsamingstid i sommar. Om du treng å snakke med ein sakshandsamar så bør du gjere avtale i god tid på førehand. 

Publisert 19.06.2019
Fasade SBS.jpg

Hausten 2019 er vi i gang med nybygg og fornying av Skodje barneskule, samt fornying av uteområdet. Innan april 2021 skal heile prosjektet vere i hamn.

Skodje barneskule blir i.løpet av dei neste to åra utvida frå to- til tre-parallell, altså med med mellom anna tre klasserom per trinn. Dét treng vi med forventa elevtalsvekst det komande tiåret.

I byggeperioden vil det verte noko endra trafikksituasjon og vi oppmodar alle om å respektere og følge informasjon som vil kome knytt til både køyremønster, parkering osb. Vi går no inn i ein spesiell periode med tanke på logistikk, ferdsel og flyt. Då er det flott om vi alle viser naudsynte omsyn og litt ekstra tålmod.

Publisert 22.05.2019

Turstiar, turløyper, ballbingar, klubbhus, motorsportanlegg, skianlegg, trimparkar – lista er
lang over kva det kan søkjast spelemidlar til.
Skodje kommune inviterer med dette idrettslag, skyttarlag, burettslag, velforeiningar og andre
til å melde inn prosjekt. 

Publisert 21.05.2019
IMG_0116.jpg

Fornying/opprusting av lysløypa på Skodje startar om få dagar. Arbeidet skal vere ferdig seinast første veka i oktober.

Opprustinga består i å legge nye og fleire stikkrenner, gjere grøftrensk, legge berelag og toppdekke, breidde 3 – 3,5 m. I tillegg utskifting av elektriske kablar, og overgong til LED-lys i lysmastene. Det skal og lagast ny universelt utforma tilkomst til utkikspunktet rett sør for Skodje barneskule.

Sikkerheitstiltak:
Vi oppmodar alle til å halde god avstand til områda der arbeidet går føre seg. Dette både for eigen sikkerheit og for å unngå å seinke arbeidet.

Publisert 13.02.2019

Folkehelseprofilen er eit bidrag til kommunen i arbeidet med å få oversikt over helsetilstanden i befolkninga og faktorar som påverkar denne, jamfør lov om folkehelsearbeid.

Folkehelseprofil 2019 (PDF, 1021 kB)

Publisert 05.09.2018

«Vold i nære relasjoner har et betydelig omfang og er et alvorlig samfunns- og folkehelseproblem. Vold i nære relasjoner skaper utrygghet, kan medføre helseskader og tap av velferd og begrenser den enkeltes livsutfoldelse og mulighet for aktiv samfunnsdeltakelse. Vold i nære relasjoner er straffbare handlinger i strid med norsk lov og grunnleggende menneskerettighet» (Et liv uten vold.Regjeringens handlignsplan 2014-2017)

Publisert 27.06.2016
ØrskogVekst_1986.png

Vekst Ørskog AS er ei arbeidsmarknadsbedrift med fire tilsette og femten VTA-plassar. Desse er fordelt med ti plassar til Ørskog, fire til Skodje, to til Stordal og ein til Norddal kommune. Bedrifta har tre avdelingar: ventilmontering/pakking for Spilka, møbelmontering/kapping og Sjøholtstrand Miljøstasjon.

Publisert 08.06.2016
Illustrasjon nettside.jpg

Eit samrøystes kommunestyre melde tidlegare i år Skodje kommune inn som medlem i LNK – Landssamanslutninga av nynorskkommunar.
LNK har i fleire år satsa på å byggja opp eit godt tilbod på nett – og då særleg for barn og unge. Målet er å vera eit lokomotiv for nynorsk på nett. 

Her finn du nyttige, nynorske nettsider

Publisert 17.02.2016
barnevernillustrasjon.jpg

Nettportalen dinutvei.no gir oversikt og informasjon til utsette for vald, overgrep og valdtekt, pårørande og bekymra, dei som utøve vald og til fagpersonar. Portalen er ein del av regjeringa sin innsats for å forebygge vald i nære relasjonar.

Første Førre | Neste Siste