Kva skjer?

desember 2019
må.ty.on.to.fr.la.sø.
2526272829301
2345678
9101112131415
16171819202122
23242526272829
303112345
Komande hendingar
   
Publisert 10.12.2019
Buss Ålesund mindre.jpg

Korleis ønsker du å betale på buss og hurtigbåt?

I 2020 skal Møre og Romsdal fylkeskommune legge ut anbod på nytt billetteringssystem for buss og hurtigbåt i regi av FRAM. Vi ønsker derfor å finne ut meir om dei reisande sine vanar og ønsker for betaling på reiser med buss og hurtigbåt.

Ved å svare på spørjeundersøkinga, kan innbyggarane i Møre og Romsdal påverke korleis det framtidige billetteringssystemet skal bli for buss og hurtigbåt i Møre og Romsdal.
Frist for å svare på undersøkinga er 31. desember 2019.

Lenke til spørsmåla.

Publisert 09.12.2019

I samband med kommunesamanslåinga mellom Sandøy, Ørskog, Skodje, Haram og Ålesund vil portal for oppvekst for barnehage og SFO vere stengd frå 18.desember 2019 til 22. januar 2020.

Dette gjer at nye søknadar og endringar ikkje vert registrert. Du må sjølv kontakte den barnehage eller skule du tilhøyrer om du skal gjere nokon endringar i ditt tilbod i denne perioden.

 

Publisert 28.11.2019
Vatn.JPG

På grunn av kommunesamanslåinga, vil avlesinga av vassmålarar for 2019 vere i januar i staden for i desember.

Dette gjeld alle innbyggjarane i nye Ålesund kommune. Det vil difor ikkje bli sendt ut avlesingskort før i januar 2020, og avrekninga for vassmålarane blir gjort i løpet av dei tre første månadane av året.

Beklager ulempene dette medfører.

Publisert 26.11.2019
Nyhetssak900x600Innbyggar.jpg

I eit kommunedelsutval møtest politikarar, innbyggarar, næringsliv og frivillige frå lag og organisasjonar for å saman arbeide for eit godt lokalmiljø.
Kommunedelsutvalet skal vere initiativtakar til - og talerøyr og lyttepost for - saker innbyggarane og nærmiljøet i kommunedelen er opptatte av. Utvala er både eit formelt og uformelt kontaktpunkt mellom innbyggarane og kommunen sine øvrige folkevalte organ, og mellom innbyggarane og kommunen.

Utvalet får eit eige budsjett som kan brukast til tiltak i og for lokalmiljøet. Kommunedelsutvalet skal legge til rette for at innbyggarane lettare kan vere med å uttale seg og bestemme i saker som gjeld kommunedelen.
Det er kommunestyret som vel medlemmane til kommunedelsutvala på sitt første møte i 2020. Forslag på kandidatar er det de som innbyggarar som foreslår. Du kan foreslå deg sjølv eller andre som du meiner passar. Kandidatane må ha eit engasjement for kommunedelen og for innbyggarane som bur der og vere opptatt av eit aktivt lokaldemokrati. Kommunedelsutvalet skal vere breitt samansett og ungdom ned til 14 år kan velgast
Du sender inn ditt forslag innan 31.desemebr 2019 på skjema som du finn her: nyealesund.no/kandidat

Ver eit fyrtårn for utvikling og framdrift og ver med i eit aktivt lokaldemokrati.
##DiLøysing_VårFramtid

Publisert 25.11.2019
Faktura-illustrasjon.JPG

Det vil vere ei rekke tenester som blir berørt av overgangen til nye kommunar. Viss du har avtalegiro eller e-faktura for dei kommunale avgiftene kan du sjekke kva du må gjere.

Her kan du lese om tidlegare informasjon gitt om eigedomsinformasjon og kart

Har du avtalegiro og/eller e-fakturaavtaler med kommunen din?

  • Er avtalen inngått innan slutten av september 2019 vil han automatisk bli overført til nye Ålesund kommune.
  • Ønsker du ikkje å vidareføre avtalen i 2020, må du sjølv slette avtalen i nettbanken/banken din

Ønsker du avtalegiro og/eller e-fakturaavtaler med nye Ålesund kommune?

Vent med å opprette avtaler i nettbank/banken din til etter 1. januar 2020. Nye avtaler i nettbank/bank med Ålesund kommune etter oktober 2019 blir ikkje overført automatisk.

Vil du vite meir om kva det vilseie å teikne ein avtalegiro og/eller e-fakturaavtale?

Det er mogeleg å kombinere avtalegiro og e-faktura. Du må då sende inn skjema for avtalegiro samtidig som du inngår e-fakturaavtale i nettbanken din. Då vil belastninga bli utført på forfallsdato med avtalegiro, og ein e-faktura med spesifikasjon av faktura vil fungere som varsel for betaling. Du vil få varsel på e-post når e-faktura er tilgjengeleg i nettbanken din.

Publisert 18.11.2019
Ur-fe

No flyttar Nordre Sunnmøre landbrukskontor til Brattvåg. Frå 20.11 2019 vert vi å finne på tenestehuset i Brattvåg.

Kontaktinformasjon for post er fortsatt: landbrukskontoret@orskog.kommune.no
eller Nordre Sunnmøre Landbrukskontor, Øyravegen 11, 6240 Ørskog

Besøksadresse er: Haram kommune. Strandgata 40, 6270 Brattvåg. 
Det vil vere mogeleg å avtale gardsbesøk og møte på rådhusa som før. 

Publisert 11.11.2019
nav.png

Grunna kommunesamanslåingar vert NAV Storfjorden avvikla ved årsskiftet. 
NAV sine tenester vil frå 1. januar 2020 verte ytt av nye NAV Ålesund.

​Dette gjeld for dei kommunane som i dag har tenester frå NAV Storfjorden: Skodje, Ørskog, Stordal og Norddal.
Les resten av artikkelen for utfyllande informasjon om opningstider og annen informasjon.

 

Publisert 08.11.2019
Ørskog_Sjøholt-Foto PederOttoDybvik.jpg

Det vil vere ei rekke tenester som blir berørt av overgangen til ny kommune. Her kjem informasjon om stenging av eigedomsregisteret og grunnboka, og om nye gardsnummer. 

Her på nye Ålesund sine sider vil du til ei kvar tid finne opplysningar som er oppdaterte om dette. 

Publisert 04.11.2019
Uteliv med bålkos

Friluftsrådet arrangerer ein spennande kveldstur for familier i kvar medlemskommune i november!
Bli med oss på tur! Alle turane startar kl 1800

Det startar i Ålesund og Tueneset tysdag 05.11 og veka etter tysdag 12.11 er det Skodje og ved Utløa på veg mot Apalviksætra. Du finn informasjon om ale turane her.

Publisert 25.10.2019

Det er Fylkesmannen som oppnevner fast verje og dei ynskjer å gje informasjon om øvre aldersgrense sett for faste verjer frå 01.01.2020. 

Du kan lese meir om dette her.

Publisert 14.10.2019
nasjonalforeningen logo.png

Vi har starta opp ei frivillig turgruppe for personer med demens i Skodje og omegn, og vi vil ha med oss fleire på tur. Har du demens og slit med å kome deg ut aleine? Då kan ei turgruppe vera noko for deg. Vi treng og flere frivillige.

Vi går tur i lett terreng som passar for dei fleste, om du går med staver eller har bruk for rullator er det inga hindring. Vi tek oss god tid og har med oss matpakke og kaffi.  Vi bidreg med henting for dei som treng det.
Kom å bli med! Akkurat DU kan gjera en forskjell!

Ta kontakt med demenskontakt Aina Meisal på tlf 90583849 eller send mail til aina.meisal@skodje.kommune.no

Publisert 01.10.2019
taxi-icon-602136_1920 (1).png

Samferdselsdepartementet har gjeve Skodje taxi, ved Harald Egil Nilsen, fritak frå kjøreplikt i helgane. Bestilte turar for helseforetaket (pasienttransport), legevaktkjøring og transport ved akutt hjelp vert utført som i dag.

Ut over dette må transport som er ønska utført i helgane bestillast på førehand innan fredag kl.17.00. Ordninga gjeld for transport i tidsrommet fredag kl 17.00 til mandag kl 07.00.

   

Kontaktinformasjon

Skodje kommune
Nihusvegen 3
6260 Skodje
E-post : postmottak@skodje.kommune.no
Telefon
: 70 24 40 00

Mobil
: Beredskap Teknisk: 99 29 66 35 Beredskap Barnevern 91 91 19 66
Org.nr.
: 964 980 454
Kontonr.
: 4212 23 24936
Kommunenr.
: 1529
Opningstid
: Må/ty/to/fr kl. 9-14. On kl.10-14.

Snarvegar

  • Utskriftsvenleg versjon SkilleTegn
  • Søk SkilleTegn
  • Tips ein venn SkilleTegn
  • Kontakt oss

Skriftstørrelse

a - a - a