Brukte frimerker blir til gode tiltak

Frimerke - Klikk for stort bilete TUBFRIM har for 2017 kr. 650.000,- til utdeling for helse- og trivselsfremjande tiltak for funksjonsfriske og funksjonshemma barn og unge i Norge. Søknadsfristen for TUBFRIM-middel  2017 er sett til 15. mars.

TUBFRIM er ein organisasjon som i snart 90 år har samla inn brukte frimerker, prospektkort og telekort. Dette vidaresel dei til frimerkehandlarar, privatpersonar og samlarar i Norge og mange andre land.

Beløp til utdeling, kr 650.000,-, vil bli fordelt våren 2017 av deira eigar, Nasjonalforeningen for folkehelsen, og gjeng til helse- og trivselsfremjande tiltak for funksjonsfriske og funksjonshemma barn og unge i Norge, og til arbeid mot tuberkulosespreiing.

​Skodje kommune samlar inn frimerke til TUBFRIM. Dersom du har frimerke, gamle postkort og telekort liggande, kan du gjerne komme innom rådhuset med dei, så vil desse bli sendt til TUBFRIM.

Pressemelding (PDF, 648 kB)

Sist endra 24.02.2017 10.36